Charta qua Adroldus et uxor ejus Guntruldis dant monasterio Cluniacensi campum et pratum in villa Carsiniaco.
Divina pietate legumque auctoritate sancitum est, ut de rebus temporalibus cęlestia et sine fine mansura adquirantur. Quapropter, in Dei nomine, Adroldus et uxor mea Guntruldis donamus Deo et sanctis apostolis ejus Petro et Paulo, ad locum Cluniacum, aliquid de rebus nostris, quę sunt sitę in pago Matisconensi, in villa Carsiniaco: hoc est unum campum et unum pratum; et terminatur campus a mane rivo currente, a meridie terra Rotrudis, a sero via publica, a certio de ipsa hereditate; et pratum terminatur a mane rivo currente, a meridie terra Rotrudis, a sero via publica, a certio de ipsa hereditate. Et faciant predicti loci seniores quicquid voluerint. S. Aroldi et uxoris ejus, qui fieri et firmare rogaverunt. S. Vulfardi. S. Arberti. S. Achardi. S. Oilardi. S. Martini. S. Eurardi. Data per manum Engelberti, die lunis, kalendis decembris.